Ver el código de «Sistema de fluxos (streaming) e gravación de eventos de GALPon»

{{Nota|nota=Este «manual» está feito sobre os equipos dos que dispón <b>GALPon</b> para os seus eventos e para ceder a outras entidades que empregen tecnoloxías libres.

Habería que engadir, polo menos, un trípode e regletas de alimentación eléctrica e se se emprega unha videocámara, algunha tarxeta SD, que poida ser formatada.

O software empregado é [https://obsproject.com/es <b>OBS Studio</b>] e [https://www.videolan.org/vlc/index.es.html <b>VLC</b>].}}

=Sistema de captura e gravación do escritorio do relator=

==Como conectar este equipo==

É moi importante seguir esta mesma orde, para ir recoñecendo un a un os compoñentes da cadea:
# Conectar a saída de vídeo do computador do relator coa entrada da capturadora.
## Se o computador ten saída HDMI a conexión faise directamente.
## Se o computador ten saída S-VGA:
#::1a Conectamos a alimentación do convertedor VGA2HDMI co concentrador.
#::1b Conectamos o convertedor co computador do relator co cable S-VGA.
#::1c Conectamos a saída HDMI do convertedor coa capturadora.
#::::<b>NOTA</b>: Neste punto o equipo do relator debe recoñecer outra pantalla/monitor. Se non temos imaxe no proxector/pantalla, teremos que configurar a resolución de saída do computador do relator. O problema máis frecuente é que a resolución que sae da capturadora non é admitida polo proxector/pantalla. Adoita abondar con axustar o equipo do relator a unha saída de <b>1280x720</b> ou 1024x768 px. (ou outra próxima) para sincronizalo, unha vez sincronizado teremos moitas probabilidades de poder subir esa resolución.
# Conectamos, co cable USB-M → USB-M azul (3.0) a saída da capturadora co computador que vai facer a gravación. É importante que o computador de gravación teña entradas USB 3.0, recoñecense por ser azuis ou pola icona que teñen á beira [[Archivo:USB-3.0.jpg|40px]]. <span style="color:#ff0000">IMPORTANTE: Non facer nunca este paso antes</span>.
# No computador de gravación, iniciamos o OBS Studio e imos a «Escenas», creamos unha escena nova (poderemos chamala «Capturadora» e así non nos liamos), agora imos a «Fontes» → «+» «Dispositivo de captura de vídeo», o nome de dispositivo que aparece podemos cambialo polo nome que mellor nos acaia, p. ex. «Capturadora escritorio», feito isto prememos en «Ok» co que nos aparece a xanela do dispositivo, nela escollemos o axeitado. Aceptamos e rematamos de axustar o «cadro» sobre o «lenzo». 
# Preparamos a saída cara ao proxector:
## Se o proxector/pantalla ten entrada HDMI a conexión faise directamente.
##Se o proxector/pantalla ten entrada S-VGA:
#::4a Conectamos a alimentación do conversor HDMI2VGA co concentrador.
#::4b Conectamos o conversor co proxector/pantalla.
#::4c Conectamos a saída HDMI da capturadora co conversor.
# A capturadora recibe alimentación polo USB, polo que a alimentación dende o concentrador só é necesaria se o equipo ten moitas conexións e/ou a capturadora non funciona axeitadamente.
# Unha vez estea todo funcionando, no OBS Studio, prememos en «Iniciar gravación» e listo.
# Se se vai reproducir son, asegurarse que o computador do relator ten:
## En ALSA, seleccionado o «Audio Interno Dixital Stereo (HDMI)»
## En PulseAudio, na lapela de Configuración seleccionada «Saída Dixital Estéreo (HDMI)» e se hay outro Audio interno, que estea «Apagado». 

;Nota 1:No OBS Studio para definir onde gardar o ficheiro resultante da gravación imos a Axustes → Saída → Gravando → Camiño da gravación. Nesa mesma xanela axustamos tamén os formatos e códecs se for preciso.
;Nota 2:Cando temos moitos equipos de relator, a fin de optimizar os tempos de axuste entre relatorios, adoita ser boa idea pedir que a resolución da pantalla de saída do equipo do relator, estea configurada a <b>1280x720</b> ou 1024x768 px.  (ou outra próxima).}}

==Esquema das conexións==
[[Archivo:Capturadora.png]]

==Equipo empregado==
1	Capturadora Slimbook HDMI → USB 3.0<br />
1	Cable USB-A-M → USB-A-M 3.0 (azul) 50cm. (exclusivo para a capturadora)<br />
1	Cable HDMI → HDMI 1m.<br />
2	Adaptadores HDMI (1 HDMI → miniHDMI – 1 HDMI → microHDMI)<br />
1	Convertedor HDMI → VGA + son (activo)<br />
1	Convertedor VGA → HDMI + son (activo)<br />
2	Cables USB A → mini(B)USB, alimentación para os convertedores (brancos)<br />
1	Cable USB A → micro(b)USB, alimentación para a capturadora (negro)<br />
2	Cables miniJack 3,5 → miniJack 3,5 de son para os convertedores<br />
2	Cables HDMI → HDMI 50 cm. Para os convertedores<br />
2	Cables VGA-M → VGA-M para os convertedores<br />
1	Cable VGA-M → VGA-F para expansión<br />
1	Concentrador (hub) USB de 7 bocas alimentado AKUOO, co seu alimentador 5V<br />
1	Cable miniJack 3,5 a 2 RCA 5m, para saída do son do equipo relator cara a entrada de son da sala<br />
2	Adaptadores RCA → Jack-M 6,35, para adaptar a entrada da sala Jack mono (p. ex. Para caixa DI)<br />
1	Adaptador 2 RCA a Jack_M-S 6,35, para adaptar a entrada da sala Jack estéreo

<span style="color:#ff0000 "><b>O concentrador empregarase só como alimentador, NON empregar NUNCA cargadores de teléfono como alimentadores.</b></span>

=Sistema de captura e gravación de vídeo=
==Como conectar este equipo==
# Conectamos o computador e a cámara empregando a capturadora AverMedia, tal e como se ve no esquema. Salientar que se só imos capturar vídeo abonda co cable amarelo. Aquí é importante salientar que, ainda que teñamos outra fonte de son, se conectamos os conectadores vermello e branco (os do son) teremos '''sempre''' o son da cámara se esta ten micrófono integrado.
# Para configurar a fonte no gravador, abrimos OBS Studio e imos a «Escenas», creamos unha escena nova (poderemos chamala «Videocámara» e así non nos liamos), agora imos a «Fontes» → «+» «Dispositivo de captura de vídeo» , o nome de dispositivo que aparece podemos cambialo polo nome que mellor nos acaia, p. ex. «Cámara de vídeo», feito isto prememos en «Ok» co que nos aparece a xanela do dispositivo, nela escollemos o axeitado. Aceptamos e rematamos de axustar o «cadro».
# Para axustar o cadro no lenzo ou eliminar bandas negras se as houber, prememos co botón dereito sobre a fonte → Transformar → Editar transformación [Ctrl+E] e facemos os axustes necesarios en.
# Agora toca configurar a entrada de son:
## Se imos empregar o «Sistema de son» de GALPon, ver a súa folla técnica.
## Se imos empregar o micro da cámara, entón é preciso conectar os 3 RCA.
## Se imos empregar outro sistema de entrada de son, obrar en consecuencia segundo o equipo.
## No OBS Studio procedemos igual que con calquera outro dispositivo. Abrimos OBS e imos a «Escenas», activamos a escena recen creada e imos a «Fontes» → «+» e escollemos a forma de capturar o son segundo corresponda ao noso equipo, o nome de dispositivo que aparece podemos cambialo polo nome que mellor nos acaia, feito isto prememos en «Ok» co que nos aparece a xanela do dispositivo, nela escollemos o axeitado e prememos en «Aceptar».
## Unha vez está todo funcionando, no OBS Studio, prememos en «Iniciar gravación» e listo.
;Nota 1: Temos comprobado que OBS Studio ten tendencia a recoñecer a imaxe das videocámaras cun formato case cadrado (non chega a ser un 4:3). Para solucionalo, podemos forzar o tamaño manualmente. Prememos na imaxe co botón dereito → Transformar → Editar transformación, e no campo «Tamaño» inserimos a dimensión correspondente. Lembro aquí os tamaños estándar: 4:3 → 640x480, 800x600, 1024x768 – 16:9 → 426x240
;Nota 2: No OBS para definir onde gardar o ficheiro resultante da gravación imos a «Axustes» → Saída → Gravando → Camiño da gravación. Aí mesmo axustamos tamén os formatos e códecs.

==Esquema de conexión da capturadora==
[[Archivo:AverMedia EZMaker 7.jpg]]

==Empregando un télefono como webcam IP==
Dos dous aplis que atopei e puiden probar, DroidCam e IP Webcam, o que me pareceu máis interesante é o segundo e del vou falar.

Podemos empregalo sobre a rede WiFi do recinto no que esteamos, ou, na miña opinión, mellor poñer o teléfono en modo AP, e, tras executar IP Webcam, anotar o enderezo que nos vai indicar (algo como http://192.168.43.1:8080). Abrir Firefox e ir ao enderezo anterior. Aquí, para ver a imaxe, teremos que escoller o método, o máis habitual é «Navegador» ou «Javascript». Máis abaixo temos dous axustes moi interesantes, o do zoom e o da calidade, na medida do posíbel, subiremos a calidade ao máximo (100%), este axuste está tamén no teléfono (no apli).

Feitos os axustes, para poder traballar mellor coa captura de xanelas de OBS Studio, recomendo abrir VLC e en Multimedia → Abrir un fluxo de rede, imos á lapela «rede» e nela escribimos o mesmo IP:porto de antes engadindo: /video (algo como:  http://192.168.43.1:8080/video), se tiveramos dificultades con este enderezo, podemos ir á opción «Otros medios de visualización» que está na barra superior da lapela de IP Webcam no navegador, aí escollemos «VLC Media Player» e seguimos as instrucións. Esta xanela será a que capture OBS Studio. Unha vez conectado VLC, poderemos pechar o navegador. 

Con toda probabilidade teremos que facer un axuste no OBS Studio de sincronización do son e a imaxe. Unha opción e ir a «Fontes», premer co botón dereito na fonte de vídeo → Filtros,  e en Filtros de audio/vídeo → «+» → Atraso de vídeo (asíncrono), cargamos ese filtro e axustámolo vendo o vídeo, outra opción é premer co botón dereito no «Mesturador» → Propiedades de Audio avanzadas e na entrada correspondente veremos o campo «Sincronización Offset (ms)», Sabendo que a un cadro (frame) correspondenlle 133ms, só temos que facer unha regra de 3. 

;Nota: No apli, no teléfono, en «CONFIGURACIÓN DE LA CONEXIÓN» → Retransmisión local, podemos axustar o porto predeterminado.

==Equipo empregado==
1	Videocámara Cannon LEGRIA FS406 coa súa funda + unha tarxeta SD de 32GB<br />
1	Alimentador/cargador vídeocámara, 8,4v con cable de rede<br />
1	Cable saída AV videocámara (Sony, JVC, Cannon, Samsung, …) miniJack 3,5 → 3 RCA-M<br />
1 	Convertedor de vídeo composto + S-Video + son a USB AverMedia DVD EZMaker 7<br />
1	Cable extensión 3 RCA-M → 3 RCA-M<br />
3	Adaptadores (para extensión) RCA-F→RCA-F<br />
1	Cable S-Vídeo (M) → S-Vídeo (M)<br />
1	Cable HDMI → HDMI 1m.<br />
2	Adaptadores HDMI (1 HDMI → miniHDMI – 1 HDMI → microHDMI)<br />
1	Soporte de trípode para teléfono (smartphone) Para usar aplicativos de fluxo como: IP Webcam ou 	DroidCam<br />
1	Cable USB-M → USB-F 1m.

=Sistema de captura (dixital) e gravación do son=
==9 Consellos imprescindíbeis para traballar con micrófonos sen fíos==
<span style="color:#ff0000 "><b>1.- </b></span> Lembrade revisar as pilas antes de comezar. Se cos equipos vos chega algunha batería se non coñecedes o seu estado, empregadea <b>só</b>para probas, non garantimos que poidan aguantar moito tempo de traballo.<br />
<span style="color:#ff0000 "><b>2.- </b></span> Se vas empregar varios sistemas sen fíos de vez, compróbaos con todos acendidos simultaneamente. Se acendes un, o probas, o apagas e acendes o seguinte, o máis probábel é que funcionen todos. Cando estean acendidos e falando por  todos de vez (ao mesmo tempo) poderían producirse intermodulacións (un sobreponse a outro anulándoo). <br />
:<b>Nota</b>: Os dous micrófonos que forman este equipo xa están comprobados e as súas canles non producen intermodulación entre eles, se engadimos outro(s) micrófono(s) sen fíos, haberá que comprobalos.
<span style="color:#ff0000 "><b>3.- </b></span> Ten en conta a orientación das antenas. É conveniente que o transmisor e o receptor teñan a antena orientada na mesma dirección (normalmente en vertical, apuntando cara arriba). Desta forma conseguese a mellor transmisión. No caso dos micrófonos de man, nos que a antena adoita estar no extremo oposto á cápsula, o máis recomendábel é situar as antenas do receptor nun ángulo de 45º.<br />
:<b>Nota</b>: No caso deste equipo, as antenas do receptor do micrófono de man deberá situarse a 45º, unha para cada lado (como facendo un V) e as do receptor do micro de solapa con elas en vertical.<br />
<span style="color:#ff0000 "><b>4.- </b></span> Sempre que sexa posíbel, tenta que os emisores e os receptores se vexan entre eles. É unha práctica recomendábel buscar sempre a visión directa entre emisor e receptor.<br />
<span style="color:#ff0000 "><b>5.- </b></span> Deixa polo menos unha distancia de 2 ou 3 metros entre o transmisor e o receptor. No por acercar moito o transmisor ao receptor vai funcionar mellor. De feito é conveniente manter polo menos entre eles esta distancia mínima que comentamos.<br />
<span style="color:#ff0000 "><b>6.- </b></span> Separa as antenas polo menos 1 metro como mínimo de paredes, teitos, estruturas ou outros obxectos. Canto máis lonxe de reflexións mellor funcionará o noso sistema e menos riscos de perdas de sinal teremos.<br />
<span style="color:#ff0000 "><b>7.- </b></span> Tenta non ter fontes que xeren radiación de radiofrecuencia preto dos teus sistemas. Dimmers, proxectores, focos, pantallas de led, etc. poden inducir interferencias nos nosos equipos.<br />
<span style="color:#ff0000 "><b>8.- </b></span> Se ao apagar o micrófono ou o emisor entra ruído polo receptor, axusta o «squelch». É unha función moi común nos sistemas sen fíos que consiste nunha porta de ruído que impide que pase o sinal cando o nivel de RF baixa dun limiar determinado. Se o «squelch» está desactivado, ao apagar o micrófono o noso receptor seguirá a recibir o ruído que haxa no espectro electromagnético. Co «squelch» activado, ao apagar o micrófono o noso receptor pasará automaticamente ao modo «Silenciado».<br />
<span style="color:#ff0000 "><b>9.- </b></span> Cando probes os micrófonos, faino movéndote por todas as zonas polas que se vai mover o micrófono durante o evento. Que se escoite nun punto non quere dicir que non haxa zonas onde se perda o sinal (zonas de sombra). Convén que nos aseguremos sempre de que non perdemos sinal en ningún punto.

==Conectando a interface de captura dixital do son==
[[Archivo:EsquemaInterface.png|500px]]

No OBS Studio, procedemos case igual que para calquera outro dispositivo, imos a «Escenas», activamos a escena que nos interesa, imos a «Fontes» → «+» «Captura de entrada audio (PulseAudio)» ou «Dispositivo de captura de audio (ALSA)» segundo corresponda ao noso equipo, o nome de dispositivo que aparece podemos cambialo polo nome que mellor nos acaia, feito isto prememos en «Ok» co que nos aparece a xanela do dispositivo, nela escollemos: para PulseAudio → «PCM2902 Audio Codec Estéreo analóxico», para ALSA «USB Audio Codec, USB Audio» e prememos en «Aceptar».

Segundo a nosa configuración do son é probábel que teñamos son só nunha canle, para enviar o son ás dúas canles prememos co botón dereito no «Mesturador» → Propiedades de Audio avanzadas e na entrada correspondente marcamos «Remesturar a mono» (nos temas escuros é difícil ver a caixa).
;Nota importante:Se notamos que non funciona axeitadamente, pode ser necesario conectar a interface a través do concentrador (hub) USB alimentado.

==Equipo empregado==
1	Micrófono de man Shure SM58 sen fíos co seu receptor «diversity» e alimentador de 13v 0,25A  	(Sennheiser NT2)<br />
1	Micrófono de solapa Nady 101/201 XL Series, con emisor sen fíos e o seu receptor «diversity» e 	alimentador de 12v 0,2A (OEM). Inclúe unha esponxa de recambio e un accesorio para axuste da ganancia.<br />
1	Interface de son USB Behringer U.Phoria U2<br />
1	Cable USB-A  → USB-B (para conectar a inteface co computador)<br />
2	Cables Jack Macho mono a RCA (para conectar a interface coa mesa de mesturas)<br />
2	Adaptadores RCA → Jack (para adaptarse á conexión da mesa de mesturas)<br />
2	Pequenos destornilladores para axustar o squelch e a ganancia (só para quen saiba o que fai)<br />
1	Cable doble 2-RCA-M → 2-RCA-M (para a saída da interface se procede) <br />
2	Cable XLR3-M XLR3-F (1 de 1,5m ‒ 1 de 2m, para conectar un dos receptores en Baixa Z – MIC ou para 	conectar os dous a unha 	mesa de mesturas<br />
1	Cable Jack M → Jack M 2m, para conectar un dos receptores en Alta Z – INST2<br />
1	Concentrador (hub) USB de 4 bocas alimentado Conceptronic,  co seu alimentador de 5V e cable USB → 	mini(B)USB