Scratch Galicia

Xornada formativa en Vigo «Scratch + Arduino»

Introdución

Scratch é un aplicativo informático destinado a introducir aos nenos e nenas no mundo da programación mediante o uso dunha sinxela interface gráfica, axudando a desenvolver o pensamento algorítmico, a creatividade e a destreza para solucionar problemas. Permite crear de forma moi sinxela historias, simulacións e xogos e compartir os proxectos na Rede. Scratch utiliza a linguaxe LOGO e está desenvolvido polo grupo «the Lifelong Kindergarten group» no Media Lab do MIT (Massachussets Institute of Tecnology)

Arduino é unha plataforma electrónica aberta destinada á creación de obxectos e sistemas interactivos. Arduino pode tomar información do contorno a través de sensores conectados a través dos seus puntos de entrada e pode interactuar co contorno controlando luces, motores e outros actuadores conectados aos seus puntos de saída. Pódese programar mediante S4A, software baseado en Scratch.

Obxectivos

Dar a coñecer o entorno Scratch entre o profesorado galego.
Introducir a programación con Scratch nas actividades de aula de forma interdisciplinaria.
Dar a coñecer a programación de arduino mediante S4A.
Incidir na necesidade de utilizar software libre na educación.

Destinatarios

Estas Xornadas concíbense como unha ferramenta de formación do profesorado de tecnoloxía de Primaria e Secundaria, polo que van orientadas fundamentalmente aos docentes desta especialidade, podendo tirarlle proveito moitas outras especialidades do ensino.

Quen pode participar nas Xornadas?

Ante unha probábel demanda de inscricións que superen o aforo dispoñíbel, a organización dará prioridade, por esta orde:

1 - Socios e socias das asociacións organizadoras (APETEGA e GALPon)

Razón:

Parte do custo das xornadas será sufragado cos fondos das asociacións.

2 -Profesorado en activo dos centros de ensino públicos de Galicia.

Razóns:

En activo para que o aprendido polo profesorado nos obradoiros formativos teña unha aplicación directa nas aulas.
Dos centros públicos para potenciar, defender e poñer en valor o Ensino Público galego.

3 - Calquera outra persoa interesada, segundo a orde de inscrición.

Lugar e data de celebración

XX de novembro de 2012 (Por determinar)
IES XXX en Vigo (Por determinar)

Estrutura, contidos e metodoloxía

Introdución.
- Introdución a Scratch
- Exemplos de proxectos de aula con Scratch.
- Exemplos de proxectos de aula con S4A e Arduino.

Obradoiros prácticos de programación con Scratch.
- Instalación de Scratch
- Programación con Scratch. Bloques, funcións, variables, etc.
- Prácticas básicas de programación con Scratch.
- Propostas de proxectos a desenvolver.

Obradoiros prácticos S4A + Arduino
- Introdución a arduino
- Compoñentes electrónicos básicos
- Instalación de S4A
- Prácticas básicas de programación con S4A
- Propostas de proxectos a desenvolver.
- Programación avanzada de arduino

Día do Scratch

Introdución

O «Día do Scratch» é unha actividade de «continuación» mais non forma parte do mesmo proceso de organización.

Scratch Day é unha actividade que se organiza simultaneamente entre o 19 e o 24 de maio en cidades de todo o mundo e que ten como obxectivo compartir proxectos e experiencias desenvolvidas con Scratch.

Obxectivos

Crear un punto de encontro no que o alumnado galego poda expoñer e compartir os seus proxectos realizados con Scratch e/ou S4A co resto da comunidade, e que, a través do traballo colaborativo, poida aprender novas estratexias e crear novos proxectos.
Crear un punto de encontro no que o profesorado galego poida compartir e intercambiar experiencias de aula realizadas con Scratch e/ou S4A.