Ferramentas de «monitorización»

Os sistemas operativos e/ou os navegadores web proporcionan mecanismos para levar un control desde o propio sistema dalgúns aspectos da navegación. Por exemplo, permiten coñecer as páxinas visitadas, a permanencia nelas, que documentos abríronse recentemente tanto locais como da web,...

Tanto se se dispón de equipamento con Windows ou GNU/Linux é moi importante que cada membro da familia no fogar ou alumno na aula, dispoña da súa propia conta co seu usuario de conexión e contrasinal. En base a esta premisa, o perfil do usuario dos pais deberá ser de administrador do sistema para ter o control do mesmo.

O propio sistema proporciona os seguintes mecanismos de control:

1. Utilización do «Historial»
2. Utilización de «Documentos recentes»
3. Utilización das «cookies»

Utilización do «Historial»

O navegador Mozilla Firefox proporciona a opción de menú Historial → Mostrar todo o historial que mostra todas a páxina visitadas. A vista do historial pódese personalizar engadindo outras columnas como a data da visita, un contador de visitas a esa páxina, palabras crave, etcétera.

Este mesmo historial pódese incluír nun panel á esquerda da pantalla que agrupará as webs visitadas cronoloxicamente.

Xunto á etiqueta Buscar está o botón Ver que permite organizar as webs visitadas baixo diferentes criterios: por lugar, por data, por lugar e data, a máis visitada, a última visitada,...

Accedendo a este historial podemos comprobar que paxinas foron visitadas, cando e cantas veces. Non é unha opción que estableza unha limitación, pero pode axudar para facer un seguimento da navegación que se está facendo.

É posible acceder ao historial como panel lateral mediante a combinación de teclas Ctrl+H e coa combinación Ctrl+Maiús+H para ver todo o historial.

É importante saber que o acceso ao historial non modifica o seu contido nin deixa pegada da consulta. Iso quere dicir que, se os nosos fillos coñéceno (adoitan coñecelo todos, dependendo da idade) poden entrar e eliminar as páxinas visitadas que queiran simplemente situados sobre a referencia pulsar o botón dereito do rato e seleccionar Borrar.

Respecto da configuración do Historial, está dispoñible desde Editar → Preferencias → separador Privacidade o número de días que se gardará.

Utilización de «Documentos recentes»

Tanto Windows como Ubuntu GNU/Linux teñen un rexistro dos documentos locais abertos polo usuario conectado e así axilizar o acceso a eles en calquera momento.

No caso de Ubuntu ir a Lugares → Documentos recentes

Coa opción Limpar os documentos recentes pódense eliminar todas as referencias (non os ficheiros propiamente)

Utilización das «cookies»

Cando navegamos por Internet imos visitando diferentes páxinas. Algunhas delas pódennos pedir que nos rexistremos para acceder a determinadas seccións do portal web, ou poden gardar algunha preferencia do usuario ou a personalización que o usuario fixo nesa páxina, contar as veces que o usuario visitou a páxina,... Estas informacións almacénanse no equipo do usuario nuns arquivos de texto, moi pequenos chamados «cookies». Estos «cookies» teñen data de caducidade e son configurables desde o navegador.

Para iso ir a Editar → Preferencias → separador Privacidade e na sección «cookies» podemos aceptalas con excepcións, gardalas ata que expiren ou pechemos o navegador e tamén podemos velas.

--miguelbf 19:59 2 sep 2010 (UTC)