Cambiar, en Firefox, o buscador predeterminado a DuckDuckGo (SSL)

Instalar o complemento (plug-in) de DuckDuckGo (SSL)

Dirixímonos á caixa de buscas e despregamos os «motores de busca»

1. Embaixo de todo, veremos a opción «Xestionar os buscadores», prememos nesa entrada do menú e ábrenos unha xanela.
2. Nesta xanela debemos fixarnos que na parte inferior esquerda ten unha ligazón «Obter máis buscadores...», que nos leva á páxina https://addons.mozilla.org/en-US/firefox/search-tools/ na que na súa caixa de buscas teremos que escribir «duckduckgo»
3. apareceranos un desagregábel no que escolleremos o «DuckDuckGo SSL Search Engine (HTTPS)» que xa nos leva á https://addons.mozilla.org/en-US/firefox/addon/duck-duck-go-ssl-search-plugin/?src=ss,
4. onde simplemente premeremos no botón « + Add To Firefox »

A instalación é como a de calquera outro engadido ou complemento.

Declaralo como predeterminado

Unha vez que xa temos o motor de buscas DuckDuckGo (SSL) seleccionámolo.

Agora ven o máis delicado, facédeo con tino xa que senón poderemos provocar unha desfeita.

1. Na barra de enderezos URL escribimos: about:config
2. Veremos unha mensaxe advertíndonos do risco.
3. No filtro (arriba, a carón dos marcadores) escribimos: browser.search
4. Prememos dúas veces na entrada browser.search.defaultenginename co que abrenos unha caixa de diálogo
5. nesta caixa de diálogo cambiamos o contido por: DuckDuckGo (SSL)
6. asegurámonos de que na entrada browser.search.selectedEngine tamén figura como valor DuckDuckGo (SSL) de non ser así, volvemos ao principio deste apartado para seleccionar o motor de buscas DuckDuckGo (SSL)

Declaralo como «o buscador» para entradas na barra de URL

Cando escribimos algunha(s) palabra(s) na barra de enderezos sen ningunha barra «/» o navegador xa interpreta que queremos facer unha busca, para que esta busca sexa feita con DuckDuckGo (SSL), faremos o seguinte:

1. Sen pechar a xanela de about:config escribimos no filtro: keyword
2. Prememos dúas veces na entrada keyword.URL co que, ao igual que antes, abrenos unha caixa de diálogo
3. na que substituímos o contido por: https://duckduckgo.com/?q=

Despois de reiniciar, todas as buscas (se non escollemos previamente outro motor) xa se farán con DuckDuckGo (SSL)

Axustes do motor de buscas

• https://duckduckgo.com/settings.html

Parámetros que se poden configurar

• https://duckduckgo.com/params.html

Axuste de rexión para Galicia (gl-es)

Na caixa de keyword.URL' escribimos https://duckduckgo.com/?q=search&kl=gl-es