2011

De GALPon WiKi
Revisión del 14:37 26 abr 2012 de Miguelbf (Discusión | contribuciones) (Xornadas «Symfony2» en Vigo)

(dif) ← Revisión anterior | Revisión actual (dif) | Revisión siguiente → (dif)

Cursos para directivas de ANPA (Federación Provincial de ANPA de Centros Públicos de Pontevedra)

Temario:

Os estándares

Que son e porqué son tan importantes

Sistemas ofimáticos

Introdución ao tratamento de textos con Open Office (Writer)

  • Particularidades e diferenzas con outros sistemas frecuentes
  • Os formatos de saída e de entrada
  • Importación e exportación de formatos
  • O formato PDF e os formatos MS

Introdución as follas de cálculo con Open Office (Calc)

  • Particularidades e diferenzas con outros sistemas frecuentes
  • Os formatos de saída e de entrada
  • Importación e exportación de formatos

Introdución as presentacións con Open Office (Impress)

  • Particularidades e diferenzas con outros sistemas frecuentes
  • Os formatos de saída e de entrada
  • Importación e exportación de formatos
Correo e mensaxería instántanea
  • Manexo das contas (webmail) das ANPAS
  • Xestión e administración
  • Configuración da conta da ANPA para empregar en mensaxería instantánea (MI) co protocolo Jabber
    • Compatibilidade e configuración da conta con outros protocolos frecuentes de MI (AIM, Google Talk, ICQ, IRC, MSN, MySpaceIM, Yahoo, XMPP)

Desenvolvemento:

15 de xaneiro Marín

  • Biblioteca municipal
    • Cubertas as 10 prazas dispoñíbeis

FANPA-Marin 15-01-2011.jpg Web-fanpa-Marin.png


22 de xaneiro Marín

  • Biblioteca municipal
    • Cubertas as 10 prazas dispoñíbeis

FANPA-Marin 22-01-2011.jpg Web-fanpa-Marin.png


Curso sobre «As redes sociais e a seguranza persoal»

É algo indiscutible que Internet aporta ás novas xeracións múltiples beneficios e oportunidades: comunicación, información, entretemento... etc. Porén, os adultos debemos ser conscientes de que tamén ten os seus riscos. A escasa experiencia vital, a inmaturidade e a falta de percepción dos riscos propios da infancia e da mocidade obrígannos a unha intervención decidida. Os adultos damos consellos en base ao que coñecemos pola nosa propia experiencia. Porén, atopámonos un escenario descoñecido. Moitas familias e profesores, descoñecen o potencial da Internet, e isto lévanos non só a ser incapaces de identificar situacións de risco, senón tamén a perder o gran potencial que Internet nos ofrece como ferramenta de comunicación e formación.

Este novo escenario non nos debe preocupar. Débenos ocupar. É preciso manter una actitude activa, de disposición e interese. E esta actitude non require de grandes coñecementos técnicos.

Temario

Impartidos por:

Miguel Anxo Bouzada
Adrián Chaves

Cursos realizados:

En colaboración con FANPA (Federación Provincial de ANPA de Centros Públicos de Pontevedra)
  • Febreiro, 5, 12, 19 e 26, e Marzo 12, Pontevedra, Centro Cultural de Novacaixagalicia.

Horario: de 10 a 14 horas, 20 horas presenciais, máis 4 horas de tarefas para facer desde a casa de traballo nas redes sociais.

Seguranza-redes-fanpa-Pontevedra 1.jpg Seguranza-redes-fanpa-Pontevedra 2.jpg Seguranza-redes-fanpa-Pontevedra 3.jpg Web-fanpa-As redes sociais e a seguranza persoal.png


Día da Liberdade dos Documentos - DFD 2011

Descrición

Conferencia/debate a cargo de representantes dos GULs/OSL/empresas sobre a importancia do emprego dos estándares abertos.
Nesta actividade hai que salientar que foi completamente subencionada pola comunidade de Galicia (sen axudas da administración) e gacias a colaboración da Escola de Enxeñaría de Telecomunicación da Universidade de Vigo,. tendo un especial agradecemento á súa Directora D.ª M.ª Edita de Lorenzo e a Subdirectora D.ª Generosa Fernández.
http://wiki.mancomun.org/index.php/DFD-2011

Desenvolvemento

Este acto aconteceu o 30 de marzo ás 10:00 horas, no Salón de Graos da Escola de Enxeñaría de Telecomunicación da Universidade de Vigo, Campus de Marcosende. Acudiu un gran número de persoas (membros de GUL, alumnado e profesorado da universidade...). Grazas aos servizos de uvigo.tv podemos mostrar a gravación do acto aqui. Este acontecemento foi moi longo (durou toda a mañá), así que darei un breve resumo. Primeiro tivemos unha mesa técnica, onde se falou sobre o abuso de certas empresas impondo os seus estándares pechados e se o OXML é un estándar aberto. Logo unha conferencia que tratou sobre problemas reais que aconteceron debido ao uso de formatos pechados. Por último tivemos unha mesa redonda onde tratouse os problemas que nos atopamos para impulsar o uso dos estándares abertos.


Asistencia á «I Noite Drupal&GNU/Linux»

O día 15 de abril fomos Mugardos en bus para participar nesta actividade organizada pola comunidade O Zulo. Chegamos pola noite e fomos a cear coa xente. Sobre as 22:30 volvemos ao taller e alí organizámonos en distintos grupos, unos fomos como administradores e outros como desenvolvedores. Estivemos toda a noite aprendendo moitisimas cousas novas sobre Drupal.
Pola mañá falamos con Permuy para volver facer esta actividade en Vigo este mesmo ano, e tamén facelo como actividade anual por distintas zonas de Galicia, para formar unha comunidade drupaleira.


Posta en marcha do «mirror» oficial de LibreOffice

07/05/2011

Como colaboración coa comunidade galega de LibreOffice, onte puxemos en marcha un servidor de réplica ou «mirror» de LibreOffice, que é réplica do oficial e que figura na lista de réplicas da propia Fundación, tal e como se pode comprobar na páxina de servidores de réplica da The Document Foundation.

Esta réplica sincronizase cada 3 horas, co que garántese que estea sempre actualizada.

Para a súa construción, os administradores de sistemas de Galpon, seguiron as indicacións feitas pola propia TDF na súa páxina sobre o «mirroring».

Os enderezos son:

http://mirror.galpon.org/tdf e ftp://mirror.galpon.org/tdf

Podemos ver a evolución de descargas en:

http://mirror.galpon.org/awstats/awstats.pl?config=mirror

E o supervisor da TDF en:

http://download.documentfoundation.org/mirrors/mirmon/#es


II Noite Drupal&GNU/Linux

Descrición

Taller drupal, onde se creou unha biblioteca virtual para varios colexios de Navarra.

Desenvolvemento

O día 1 de xullo dende as 22:30 e durante toda a noite fixemos a 2ª noite Dupal&GNU/linux. O acontecemento comezou cunha charla do noso amigo @perusio, quen nos mostrou as bondades do servidor web nginx cunha autentica lección maxistral, non só da instalación senón da configuración e como aseeguralo. Tamén o amigo Victor Cardoso desgranou o seu dominio sobre drush. Despois comezamos co taller, onde fixemos grupos de traballo para a elaboración do web (uns fixeron administración, outros deseño,...). Tras rematar a noite, todos démonos conta que aprendemos moito uns dos outros, e agora toca esperar á próxima Noite Drupal&GNU/Linux.


20º aniversario Linux

Descrición

Celebración do 20º aniversario do kernel linux.

Desenvolvemento

O día 20 de agosto os socios de GALPon xuntámonos no parque forestal de beade para a celebración do 20 aniversario do kenel linux. Este festexo comezou entre a 13:00-14:00 (mentres a xente foi chegando) co reparto das camisetas conmemorativas do acontecemento (que has haxa pedido), e mais tarde fomos a comer na cafetería que hai no parque forestal. A xuntanza foi moi agradable e todos os asistentes comeron, falaron e beberon todo o que quixeron.


Asistencia ao «Kernel 2011» e ao «SFD 2011»

Do 16 ao 18 de setembro
Nestes 3 días fomos á festa organizada polo GUL O Zulo en Mugardos. Destacar que Galpon foi un dos patrocinadores.
Como o ano pasado, o máis salientable foi o nivel de frikismo tan alto que houbo. O primeiro día situámonos no noso sitio e o inefable A. Permuy ensinounos a comodidade de uso de openvz para a virtualización.
Durante estes tres días estivemos participando nas actividades que fixeron os de O Zulo (conferencias, OpenArena, lanzamento de discos,...). A comunidade O Zulo invitounos a almorzar, comer e cear.
O sábado pola noite nos fomos de festa polos bares de Mugardos.
Por ultimo o Domingo volvemos para casa :-D.

Dende GALPon agradecemos moito estas iniciativas que fan a comunidade O Zulo e o bo trato que nos dan. Xa estamos ansiosos de volver o ano que ven.


Presentación de «Enable Viacam» e «Sitplus» por Cesar Mauri

Relator

D. Cesar Mauri, desenvolvedor principal dos dous proxectos.

Desenvolvemento

Fixéronse dúas presentacións:

O sábado 1 de outubro, as 11 da mañá, no salón de actos do Centro Social Novacaixagalicia, na rúa Policarpo Sanz 24 de Vigo. A este acto foron convidados os axentes sociais vinculados ao traballo con persoas con mobilidade reducida, así como pais e en xeral máis de 60 Asociacións relacionadas. A esta convocatoria respondeu unha trintena de persoas que puideron comprobar de seu, en equipos instalados a tal efecto no salón, o funcionamento de ámbalas dúas ferramentas, tendo unha especial aceptación o Sitplus xa que unha maioría dos asistentes tiñan querenza polo traballo con persoas con problemática severa.

O luns día 3, as 12:00 da mañá, no Salón de Graos da Escola de Enxeñaría de Telecomunicación da Universidade de Vigo, no Campus de Marcosende. Esta presentación ía dirixida a un público máis técnico, estudantes e profesorado de enxeñarías. Esta conferencia foi gravada en vídeo polos servizos da uvigo.tv e será publicado en breve no web da universidade.

eViacam

Enable Viacam (eViacam) é un programa de computador que substitúe a funcionalidade do rato permitindo mover o punteiro a partir do movemento da cabeza. Funciona nun ordenador PC equipado cunha cámara web, sen elementos adicionais. eViacam está baseado no programa Rato Facial galardoado con varios premios.

Plataformas admitidas: GNU/Linux Windows 2000/XP/Vista/7

Non todo o mundo é quen de empregar o rato para mover o cursor na pantalla. eViacam é un software libre e de balde que foi deseñado principalmente para persoas con discapacidade. Utilizando unha cámara web, detecta o movemento da cabeza e o punteiro móvese en consecuencia. Só ten que configurar a área de detección (localizar a cara do usuario), a continuación, prememos no botón para inicialo. A xanela principal de eViacam tamén ofrece un acceso directo ao teclado virtual do seu Sistema Operativo. Para premer (facer «clic») nunha ligazón ou documento, coloque o punteiro sobre el e agarde un par de segundos a que se execute. Na parte superior da pantalla, ten unha barra para seleccionar o tipo de pulsación que queira facer: «clic» co botón dereito ou o esquerdo, dobre «clic» ou ata nada en absoluto. A configuración e calibrado da sensibilidade e velocidade do cursor sobre os eixes X e Y, o tempo de demora para facer o «clic», etc. entreteralle uns minutos, pero isto só será a primeira vez que o execute, despois da instalación. eViacam pode utilizarse (actualmente) en 10 idiomas, incluído o castelán, galego, catalán e asturiano.

Conclusión? eViacam funciona moi ben cun pouco de práctica! Libre e moi intelixente, é un gran programa que permite que ás persoas con discapacidade poidan gozar completamente do seu PC.

Sitplus

Sitplus é un framework de software libre (GNU/GPL) cuxo principal obxectivo é ofrecer actividades lúdico-terapéuticas para persoas con pluridiscapacidade. Ofrece novas formas de interacción baseadas en visión artificial, voz e outros periféricos para producir un resultado en forma de imaxe e son. Inspirado nos aplicativos de causa-efecto, SITPLUS fornece unha ferramenta para a interacción continua e a distancia, accesible á maioría das persoas con discapacidades cognitivas, físicas e sensoriais.

SITPLUS é froito de case tres anos de investigación, desenvolvemento e intervención directa con persoas con parálise cerebral da APPC. Foi concibida a finais de 2007 para tentar dar unha resposta ao grupo de persoas cuxa combinación de limitacións motrices, cognitivas e ata sensoriais vetábanlles o acceso a outras ferramentas de uso máis común. As sesións experimentais, levadas a cabo no laboratorio que a APPC dedicou en exclusiva a este proxecto, revelan que esta ferramenta non só é útil para moitas persoas con afectacións moderadas e severas, senón que, ademais, resulta moi motivadora para aqueles usuarios con afectacións máis leves.

O espazo web dedicado a SITPLUS é un proxecto que ten o dobre obxectivo de, por unha banda, ofrecer de forma totalmente de balde está tecnoloxía ás entidades e familias, e por outra, abrir a porta á vosa colaboración para continuar mellorándoo.

Aínda que SITPLUS céntrase nas persoas con parálise cerebral, tamén pode beneficiar a outras persoas con discapacidades cognitivas. Doutra banda, tamén pode ser útil como unha plataforma para a investigación en xogos, música e arte interactivos. De feito, SITPLUS concíbese como un marco de aplicación onde se poden desenvolver diversas actividades que utilizan recursos. Os recursos serían elementos como, por exemplo, a análise do son de entrada, o seguimento do movemento a través de visión artificial, os algoritmos de síntese gráfica e sonora, etc. As actividades non son máis que pequenos aplicativos que utilizan os recursos para facer algo útil (por exemplo, permitindo interactuar co sistema dalgún xeito). A idea deste modelo é permitir a reutilización dos compoñentes para proporcionar diferentes escenarios interactivos mantendo simple o seu desenvolvemento e uso.

Neste momento SITPLUS está dispoñible en castelán, galego e catalán (outros idiomas en proceso de tradución).

Materiais empregados

D. Cesar Mauri deixounos a presentación empregada eViacam_SITPLUS_Uni_Vigo.odp. Nota: esta é a versión longa ou completa na presentación a axentes sociais e familias retirou a parte máis técnica.

eViacam e sitplus fornecense baixo licenza GNU/GPL.


NOTA: ENGADIR FOTOS EXTRAIDAS DO VÍDEO


Conferencia «Mulleres no Software Libre» por Miriam Ruíz

Descrición

Conferencia a cargo de Míriam Ruíz sobre a implicación das mulleres na tecnoloxía e máis concretamente no eido do Software Libre.

Referencias de Míriam Ruíz:

  • Enxeñeira, desenvolvedora de Debian, unha distribución de Linux. Segundo indica «Está moi implicada no empaquetado de xogos, así como no proxecto Debian Women. Tamén está involucrada na «netesfera» feminista, en grupos como LinuxChix, Ubuntu-Women, WikiChix, ChicasLinux, Indymedia Women ou Systers»
  • É editora de Barrapunto, un dos «weblogs» máis importantes en español, e realmente unha das mellores fontes de información sobre tecnoloxía e cultura «geek» en español na rede.

Desenvolvemento

Esta conferencia celebrouse o mércores 19 de outubro, as 15:30 horas, no Salón de Graos da Escola de Enxeñaría de Telecomunicación da Universidade de Vigo, Campus de Marcosende.

Contou cunha nutrida asistencia, cubrindo a metade do aforo da sala (total 78 prazas) entre os que se contaba con representastes do profesorado da Universidade. de xeito paradoxal salientar que a asistencia, en contra do esperado, era maioritariamente masculina. Esta conferencia foi gravada en vídeo polos servizos da uvigo.tv e será publicado en breve no web da universidade.

Tentar describir a conferencia feita por Dona Míriam Ruíz é tarefa complexa, xa que, incluíndo o tempo de preguntas, esta prolongouse ata as case as 6 da tarde (máis de 2:30 horas), polo que para seguir o fío do falado, pode estarse ao rexistrado no vídeo e á presentación que empregou a relatora.

Deixamos, de todos xeitos, un breve resumo previo feito pola relatora:

La historia de la informática y de las tecnologías de la información está plagada de mujeres muy importantes, comenzando por Ada Lovelace, considerada la primera persona programadora, Grace Murray Hopper, pionera en la concepción y el diseño de los primeros compiladores, pieza clave en la concepción y diseño del lenguaje COBOL, y que participó también en el comité de estandarización de FORTRAN, pasando por Fran Allen, pionera en el campo de la optimización de compiladores, hasta las menos conocidas programadoras del ENIAC. Otra notable ingeniera, en este caso de telecomunicaciones, y además actriz, fue Hedy Lamarr, inventora de, entre otras cosas, el conmutador de frecuencias, elemento imprescindible para la telefonía móvil y la transmisión de datos sin cables. Sirva como indicativo que el día del inventor se celebra el 9 de noviembre en su honor, ya que ésa es la fecha de su cumpleaños.
El caso de las 6 programadoras del ENIAC, y sobre todo el hecho de que su importancia en la historia de los ordenadores haya sido tan silenciada, hasta el punto de que los ingenieros varones Mauchly y Eckert fueron los que pasaron a la historia, no deja de ser llamativo y significativo de una época. Las programadoras del ENIAC desarrollaron las bases de la programación de los ordenadores: crearon la primera biblioteca de rutinas y las primeras aplicaciones de software. En 1997, a pesar de todo el esfuerzo por intentar excluirlas de la historia, fueron incluidas en el Women in Technology International Hall of Fame.
As mulleres participaron na informática desde os seus inicios, e aínda que a proporción de mulleres no campo (13%) é moito menor do que se atopan na nosa sociedade, aínda teñen un forte impacto na nosa industria. O oco pode encherse doadamente con só os nomes das mulleres que contribuíron no campo da informática, pero a maioría deles aínda se descoñecen, eclipsados polos innumerables innovadores home e moitas veces polos seus cónxuxes.
Materiais empregados

Dona Miriam Ruíz deixounos a presentación empregada 2011_Mujeres_Software_Libre.pdf.


NOTA: ENGADIR AS FOTOS


II MiniNo DevConf

Para ver as conclusións desta xuntanza, podedes descargar aquí o documento (en formato .odt) no que se reflicte toda a liña de traballo proposta.

Presentación da proba de concepto (alfa) de PicarOS

Temos elaborada unha imaxe de desenvolvemento que inclúe todas as ferramentas. Esta imaxe .vdi foi construída para unha MV VirtualBox de 10GB e podedes descargala nesta ligazón

Asistencia á «Arduino Barcamp» en Ordes

5 de novembro
Este día fomos a Ordes para participar no obradoiro sobre arduino que organizaron os compañeiros de Inestable.

Chegamos sobre as 9:30 alí e dispuxémonos de atopar o noso espazo. As actividades comezaron as 10:30 e fomos tomando apuntes sobre arduino.

Chegou a hora de xantar e fomos a unha hamburguesería e alí «confraternizamos» coa xente que estaba nesta actividade, cabe salientar que toda a xente que participou mostraba gran interese de formar unha comunidade galega de arduino.

Pola tarde observamos con atención os robots que nos mostraron e collemos ideas para facer cousas na casa e mercamos uns cantos arduinos.

Pola noite volvemos para casa con ganas de probar os novos coñecementos adquiridos.


Xornadas «Symfony2» en Vigo